Shillong, Nohprah 13: Mynta ka sngi ka kabinet kala pdiang ia ka jingpynbna sorkar ka ‘Ordinance” ba ia ka “The Captain Williamson Sangma Technical University”, ia kane ka skul bah yn pynkylla noh ia ka kyrteng sha ka “ The Captain Williamson Sangma State University” ia kane don kam ban wan rah ia ka jingpynkylla bad ia kane pdiang mynta ka sngi la leh ia kane khnang ba ka jylla kan don la ka jong ka skul bah.
Kumba ka long mynta baroh ki College ka jylla ki hap ba pyniasoh ia lade bad ka skul bah NEHU, hynrei mynta da ka jingdon noh ia ka State University, ka sorkar pdang pyniar ia kane ka skul bah bad ban ailad ia ki College ba kin pyniasoh bad kane ka skul bah jong ka jylla.
Ynda ki college kila pyniasoh bad ka State University ka jingeh ban thoh ia ka CUET eksam kumba leh ha ki skul bah jong ka sorkar pdeng kan nym don shuh lada la pyniasoh bad ka State University kane ka long ban pyniar ia ka jingtrei kam ka skul bah ha kane ka jylla.
Ka kabinet kala shim ia ka rai ruh ban sdang ia ka jingpule BA bad B.Com kaba thaw thymmai 39 tylli ki kam kane kan long hapoh jong ka College Teachers Education kaba don ha Tura la leh ia kane katkum ka polisi kaba thymmai ha ka pule puthi ba don kam ia ki college ba kin don bun ki shnat pule.
Ka kabinet kala wan ruh ia ka jingpynkylla ban ia bor ha kaba pyndon kam ia ka pisa ha ka khynrgit kaba saw na ka bynta ka Meghalaya Public Service Commission, la leh ia kane ba ka commission kan lah ban trei kam, mynshuwa ka Commission ha ka hap ban shim jingbit na ka sorkar wat ban shim wai ia ki jaka thoh eksam ki khynnah wat ban pynlong ia ki eksamin ruh.
