Shillong, Naitung 03: U Bah Metbah Lyngdoh myntri ba dei peit ia ka tnad jngohkai pyrthei mynta ka sngi u la leit ban jngoh ia ka Crowborough Hotel kaba don ha khyndailad ia kaba la sdang shna naduh u snem 1986 ia kaba ym pat lah ban pyndep haduh mynta.
Haba kren ha ki nongthoh khubor u la ong ba na ka liang jong ka MTDC kala ia soi ia ka soskular bad u Bah Leslly Shylla ba yn pyniaid ia kane ka kam na ka bynta na ka bynta 33 snem, hynrei u khlem iathuh pat katno ka MTDC ka ai wai ia kane ka jaka sha u Bah Shylla.
La iathuh ba katkum ka thong kaba la buh ka long ba yn pyndep ia ka ha snem 2020 bad kumba ka long mynta ka jingtrei ka dang iaid sha khmat bad kyrmen ba u Bah Shylla yn pyndep ha ka por ba la buh.
Haba ia dei bad ka jingsiew ia ka MTDC, u Bah Lyngdoh u la ong ba na ka liang jong u Bah Shylla buh kum ka pisa na ka bynta ka jingiateh kular kaba saw klur da ka Cheque bad lada ym lah ban pyndep ha ka por ba la buh ka sorkar kan shim ia kane ka pisa.
Ynda la dep ia kane ka jingtrei u Bah Shylla yn pyniaid ia kane ka Hotel bad ba yn siew sha ka MTDC ia ka bai wai man la u bnai bad kane kan long na ka bynta 33 snem kumba la ia kular.
