Shillong, Jylliew 23: Mynta ka sngi u myntri ba dei peit ia ka pule puthi u bahut Lahkmen Rymbui u la khot ia ka jingialang bad ka Meghalaya Board of School Education ban ia kren halor ka eksam kana dang sahi ia ki khynnah klas X bad klas XII kiba khlem ioh thoh eksamin na ka daw jong ka khlam COVID-19.
U myntri ka tnad ka koit ka khiah u bahut Rymbui haba kren ha ki lat pathai khubor la ong ba, kito ki samla kiba khlem ioh toh eksamin ki dei kiba hal hapoh ki ja ka bala shah khangdam lane kiba ia kynduh ia kiba don ia ka jingshitom COVID-19.
Katkum ka jingkhein ka ba ka MBOSE ka don ka long, ha ka klas x SSLC ki don 34 ngut kiba duh ia ka eksam baroh ki bym ioh thoh, 74 ngut kiba duh kawei ne ar, ne lai tylli ki subjek ban thoh eksameksam, na ka bynta jong ki ka MBOSE kan sa pynlong ia ka eksam na ka bynta jong ki.
Na ka bynta ki klas XII HSSLC kiba duh ban ialeh eksam wei ne ar ne lai ne saw ki don 92 ngut, bad kiba duh ban ialeh baroh ki don 15 ngut kine ki long ha baroh kawei ka jylla ia kine ruh la rai ban pynlong biang ia ka eksamin.
La iathuh ba ki don ki subjek kiba khlem ioh pynialeh ki long Computer Science, Statistic, Western Music bad Ka Vocational Studies ha ka klas XII na ka bynta kine la rai ban nym pynlongshuh ia ka eksamineksamin na ka bynta kane ka MBOSE kan shim ia ka rai ban aisa mark.
Na ka bynta ki eksam kiba dei ban pynlong na ka bynta klas X bad Klas XII na ka bynta kiti kiba khlem pat toh ia ka eksam jong ki kan long ha ka taiew ba ar Naitung bad ia kane kin sa ia phylliew jingmut bad ka tnad ka koit ka khiah bad ia ka resolt klas XII yn pynmih shuwa ka 31 tarik Naitung 2021.
