Shillong, Jymmang 05: U Myntri Rangbah ka jylla u Cornad K Sangma u la ong ba ka sorkar kala shim ia ka rai ban buh teng noh ia ka eksamin kaba la buh ban long la shai ka sngi bad la shisngi kata 6 bad 7 tarik jyllamang, ia kane la pynkynriah sha ka 11 bad 12 tarik jymmang 2021.
U Mytnri rangbah u la ong ba ka sorkar kala khang ia ki briew ban ia leit ia wan sha kiwei ki jylla bad sha kiwei ki district khlem da don kam eh, kumba ka long mynta ki aplikoshon ba pan jingbit ki long haduh 12000 tylli kane ka kren shai ba ki briew kim shim khia ia ka jingbthah jong ka sorkar.
Ban ia khun pyrshah ia kane ka jingpang COVID-19 ka sorkar kala shim ia baroh ki lat ki lynti bad ki lai tylli ki lat kiba ka sorkar kala shim ka long, Containment kane ka long ban kham pynduna ia ka jingpang da ka jingiakair jong ki briew na ka jingialang paidbah, kaba ar ka long ban ai Tika dei tang kane ka lat ban iada bad kaba lai ka long ki lat jingiada kiba ka sorkar kala dang pynkhlain shuh shuh.
U myntri rangbah u a kyntu ia baroh ki paidba ba kin bud ia ki kyndon kiba la pynbna da ka sorkar, ban deng ia ki mask ha ki jaka paidbah da kaba leh kumta ka long kum ki paidbah kin ia snoh kti lang kawei ban ia khun pyrshah ia kane ka khlam COVID-19. Ka sorkar kala dang pynkhlain shuh shuh ia ki nongtrei ha ka jingialeh pyrshah ia kane ka khlam COVID-19.
Hab ia dei bad ki jingiathoh bad haba iap briew ka sorkar kala shah tang 20 ngut ban iadon lang bad kata ruh ki hap ban da ioh ia ka jingbit na ki Deputy Commissioner jong ki District, u myntri rangbah la ong ba ia ki jingtip kiba bniah ka Deputy Commissioner kan sa pynmih ia ki jingpynbna.
