Ia ka iing dorbar thawain ha Mawdiangdiang khmihlynti  ban plie noh mynta u snem

Shillong, K’Lyngkot 23: Ka ïingdorbar thawaiñ ka jylla ha ka sngi rakhe ïa ka jingdap sanphew snem jong ka Jylla ka la pyni da ki kam halor ka jingpynbit pynbiang jong ka ban leit rung sha ka ïingdorbar da kaba ka ladep ban pyndep ïa ki jingdonkam kiba hakhmat eh katba ka jingtei ïa katei ka ïing ha Mawdiangdiang ka dang bteng bad kaba la khmih lynti ban ïoh ban plie hapoh une u snem.

Ha kane ka jingrakhe kaba la pynlong ha ka 21 tarik u Kyllalyngkot ha ka phyllaw jong ka administrative block kaba don ha Khyndailad, la wan ban sakhi ruh da ki myntri sorkar kynthup ïa u symbud myntri rangbah, u bah Prestone Tynsong, u nongïalam ka liang pyrshah, u Dr Mukul Sangma, ki MLA kiba mynta kynthup ruh ki lamphang barim, ki MLA barim bad ki ophisar kiba la shongthait ka Assembly kiba la shah khot sngewbha ha u Lamphang uba mynta, u bah Metbah Lyngdoh.

Ha katei ka sngi la sakhi na ka prokram kumjuh ruh na ka jingïathuh u bah Metbah halor ki kam kaba ka Assembly Secretariat hapoh ka jingïalam ka jong u kum u khliehduh ki ladep ban pyndep ha kine ki arsnem tam.

Lyngba ka jingïathuh jong u Lamphang haba ai jingkren ha katei ka sngi, la ïathuh ba ka Assembly secretariat ha kaba nyngkong ka ladep ban pynïaid da ka rukom thymmai da kaba la computerize lut ïa ki branch baroh, ka jing pynwandur thymmai ïa ka website bad ka jingpynkhreh ban pyntrei da ka National e-Vidhan Application project ha ka ïingdorbar thawaiñ kaba thymmai lyngba ka IT Cell branch.

Ka jingïatreilang jong NIC, ka jingsdang ïa ka Meghalaya Legislative Assembly channel na ka bynta ban pynsaphriang ïa ki khubor kiba ka Assembly ka ju pynlong na ka por sha ka por, kumjuh ki prokram jong ki nongmihkhmat bad ruh ki rukom treikam jong ka sorkar Jylla.

Sa kiwei pat ki bynta jong ka jingtreikam kaba ka Assembly Secretariat kaba ka la pyndep kadei ïa ka jingïohi jong ka jingpyllait paidbah ïa ka National Anthem kaba ki la ai kyrteng ka Meghalayan Rendition kaba ki la tem da ki tiar tem tynrai jong ka Jylla bad ia ka audio bad ka video lah ban ïohi paidbah mynta ha ka Youtube jong ka Meghalaya Legislative Assembly Channel bad ruh la pyllait paidbah ïa ka Emblem bad ka Lama jong ka.

Ïa ka National Anthem, ka Emblem bad ka Lama la pyllait paidbah da u Lamphang haryngkat u symbud myntri rangbah, u nongïalam ka liang pyrshah bad u Commissioner and Secretary, u Dr Andrew Simons.

Ha kajuh ka sngi la pyllait paidbah ruh ïa ka kot halor ki Lamphang bad ki Symbud Lamphang ka ïing dorbar thawaiñ ka Jylla kaba la ai kyrteng The House – Biography of Speakers and Deputy Speakers bad la pynbit pynbiang da ka Library branch haryngkat ka Assembly Channel bad la shon pat ha ka Printing Press jong ka Assembly hi.

Haryngkat kitei ki prokram, ha katei ka sngi la pynkup burom ruh ïa ki MLA ki barim jong ka Jylla bad kumjuh la pyllait ïa ka kot Golden Meghalaya ba la thoh da u Lamphang barim, u bah Bindo M Lanong, ka Golden Momento ba la thoh da u bah Alexander Lyndem haryngkat ka jingdon ki jingrwai ïa ki sur tynrai Khasi bad Garo kiba la shah khot sngewbha ha katei ka sngi.

Haba ai jingkren u Lamphang ka ïingdorbar thawaiñ, u bah Metbah u la ong, kum ki nongthaw aiñ, ngi kular ban ïai bteng ban tur pyrshah ïa ki jingduna ha ka roi ka par ha ki bynta ba kyndong tam jong ka jylla ka jong ngi.

U la ong kum ki nongmihkhmat, ka ladei ka pali jong iwei pa iwei ki nongshong shnong ban pynrung ïa ka mynsiem ha ki samla khnang kin lah ban ieng ha la ki kjat bad ruh ha kiba bun ki bynta ha kaban kyntiew ïa ka imlang sahlang bad ka ïoh ka kot. Ha kajuh ka sngi, u Lamphang ka Lok Sabha, u Om Birla ruh u la ai jingkren lyngba ka video na nongbah Delhi.

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet