Ia ka jaka rung jaka mih ha Umling ha Ri Bhoi District, yn plie noh da u bah Prestone

Shillong, Nohprah 14: ka jingplie ia ka jaka rung jaka mih jong ki briew ha Umling ha Ri Bhoi District yn plied a u symbut myntri rangbah ka jylla u bah Prestone Tynsong ha ka por 11.00 baje mynstep bad kane ka dei ka jaka rung jaka mih kaba nyngkong ban pyntrei kam ha ka jylla.

Katkum ka jingpynkhreh ia kane ka jaka rung jaka mih kaba la dep ban tei hapoh Umling ha Ri Bhoi District la dei ban plie da u myntri rangbah ka jylla hynrei na ka daw ba la Test COVID-19 positive la hap ban leit ban plie da u Symbut Myntri Rangbah ka jylla u bah Prestone Tynsong.

Naduh ba la pdiang hapoh ka iing dorbar ia ka Meghalaya Residence Safety and Security Bill ha iing dorbar ha u snem 2016 bad kane ka Bills kala kylla long ka ain mynta kane ka sorkar jylla kalah ban pyndep ia ka jingtei kaba nyngkong  ban buh ia ka jaka peit bniah ia ka jingiarung ia mih ki briew sha kane ka jylla ia kaba la tip kum ka “Entry bad Exit point”.

Na ka liang jong ka Deputy Commissioner jong ka Ri Bhoi District ka kong R M Kurbah haba kren ha u SP news Agency kala iathuh ba ka jingplie ia kane ka jaka rung jaka mih ha Umling kan iaid beit ha ka balang ban plie da u Symbut Myntri Rangbah ka jylla u bah Prestone Tynsong.

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet