Shillong, Risaw 23: Ka tnad pla pisa jong ka sorkar Meghalaya ha k 4/Naitung/2022 kala pynmih ia ka hukum ba ia ka bai leit bai wan jong ki ophisar bad ki ba thung shipor ban trei bad u myntri rangbah ka jylla ia ka bai leit bai wan jong ki yn siew na ka ophis Chief Minister secretariat.
Ha katei ka jingpynbna sorkar la kren shai namar ka jingdon kam kyrkieh jong ka kam, la shah ruh ia ki nongtrei kiba don bad u myntri rangbah ka jylla ba ki lah ban leit da ka eroplane halor ka jingbit kaba la ai na ka ophis jong u Chief Minister Secretariat khlem da leit sha ka tnad pla pisa (AF) ban ioh ia ka jingbit.
Ia ka baileit bawian jong ki ohisar bad ki briew kiba la thung ban don bad u Myntri Rangbah ka jylla wat la ki dei na kano kano ka tnad sorkar ia ka bai leit bai wan jong ki yn siew na ka ophis jong u myntri rangbah Chief Minister Secretariat.
Katba ia kito kiba trei bad u mytnri rangbah kiba shu trei kontrak kiba ioh ia ka tulop jong ki kumba la buh ia ka bai leit bai wan jong ki yn buh da ka ophis ryngkar ka jingiakynjoh ktien lang bad ka tnad pla pisa ka sorkar jylla. Katei ka hukum sorkar kala treikam naduh ka sngi ba mih kane ka jingpynbna sorkar.
