Shillong, Kyllalyngkot 13: U bah Commander Shangpliang ba pynmih ia ka phlim 9lad u la ong ba ia kane ka phlim la pynwandur ia kaei kaba jia ha Khyndailad ryngkat ki tamasa ban pynbot pynbiang ia kane ka phlim.
La iathuh ba ia kane ka phlim yn sa pynlait paidbah ha u ban Rymphang 21 lane 28. Ia kane ka phlim la ak da u bah Goldenstar Suchiag kum u Aktor bad ka samla Wanri Pyngrope kum ka Actress.
La iathuh ba ka long kaba eh shisha ban pynwan dur ia kane ka phlim namar ba shuwa ban thoh sha phang kane ka phlim u Bah Commander u la da leh ia ka jingwad bniah ha kaba ia dei bad ki kam miet hapoh Khyndailad.
Ka phang pdeng jong kane ka phlim ka long halor ki kam sniew kiba don hapoh katei ka jaka bad ka jingngop ki kynthei ha ki kam sniew ka long na ki daw kiba bun, ha ka juh ka por la pyni ruh ha kane ka phlim ba ki don ki lad ki lynti ban lait na kita ki jingsniew la da trei shitom.
