Shillong, Nailar 09: Mynta ka sngi da ki phew ngut kila pynlong ia ka jingiakhih ha khyndailad da kaba rah ia ki jingdoh ba ki dawa ban ioh ia ka “Certificate of Vending” namar ba ki khlem paw kyrteng ha ka ophis jong ka Shillong Municipal Board.
Haba kren ha u SP News Agency, ka kong Brily Mylliem Pdah kala ong ba, kila dep ban apply ia kane ka COV hapoh jong ka Municipal bad kila ioh ruh ia ka syrnot ba kila don ha ka thup ba kila shah shah jurip, hynrei kim don kyrteng ban ioh ia ka COV.
La ong ba kiba khlem pat ioh ia ka COV kina la shong die madan la slem bha ha Khynailad ki dang jan dap spah ngut, kaba kim sngewthuh kumno kim mih kyrteng wat la kila dep ban apply, sha ei jah ki application.
La kynnoh ba ha kane ka jingai COV kiba dang shuwan shong madan shen ki ioh ia ka COV katba kiba la don slem bad kiba la dep ban shah jurip bad kila dep ban apply ki duh ia ka COV, la ong ba mynta la shibnai kila shu shong iing.
Haba kila leit ban ia kren sha Municipal ka jubab kaba ki ioh ka long ba kin sa ioh hynrei mynta la jan shibnai kim pat ioh, ka jingkylli shei ki jah ki aplikoshon kaba kila dap ban apply ban ioh ia COV.
