Ia ki mat iakren ia suk ka seng HNLC bad ka sorkar kin sa rah ha u bnai Jylliew: Manbhalang

Shillong Jymmang 23: Ka Hynniewtrep National liberation Council (HNLC) kan sa pynsngew ia ki mat jingdawa jong ka seng hadien ba ka jingiakren iasuk bad ka sorkar ka la iaid shakhmat.

U symbut shongknor  ka HNLC u bah Manbhalang Jyrwa haba kren sha ki lad pathai khubor u la ong ia mynta kan iaid shwa ka jingiakren bad ka sorkar ka ban sdang ha u bnai Jylliew bad hadien ba la iaid shakhmat ka jingiakren kin sa lah ban pynpaw ia ki mat jingdawa ka seng sha ka sorkar.

U Ksiang ka HNLC u bah Sadon Blah u la bynrap, ha kine ki por ka la don ka jingiakren bad ka sorkar tang halor kumno ban prat lynti ban ai ka jingiada ba kin lah ban rung ban mih ne ka lynti ba shngian ban wan ban leit ki nongialam ka seng kiba shim bynta ha kane ka jingwan iakren iasuk bad kaba ar ka long halor ka jingwan shuh shuh ki dkhot ka seng.

La ong, baroh shi katta, ka la don ka jingiakren bad u Myntri ka tnad Kam Pohiing ka sorkar bad u Chief Secretary ka sorkar jylla halor kumno ban ai ka jingiada ne ka jingshngian ia ki nongialam ka seng kiba iashim bynta ha kane ka jingiakren.

Kane ka jingwan mynta ka long ka sien kaba ka jingwan shuh shuh ki dkhot ka seng,  hynrei ym lah shuh ban wan ki dkhot jong ka seng tad ba ka sorkar kam pat lah ban ai ia ka jingiaid laitluid ne ka jingmap ei pyrshah ia ki dkhot ka seng, la ong u bah Sadon.

Katkum ka jingong u Ksiang ka HNLC u bah Sadon, la ong ba ha ka jingiakren ba ladep, la iapynbeit bad mynjur shibun ki bynta ia ka jingshah ban iaid laitluid ne ka jingmap ei  bad kaba sah ka long ban mynjur da kaba shai kan dei ha ka jingiakren kaban da iasoi kaban sa long ha u bnai Jylliew.

U symbut shongknor  ka seng ha kajuh ka por ruh,  u la kyntait ban iathuh ia ka jingdon jong ki dkhot kiba dang trei da kaba ong ba ka jingiakren iasuk ka dang iaid. U la ong ba ha ka jingthmu jong kane ka jingiakren ka long ban don noh ka jingiasoi ban poi sha ka jingiasuk bad ban iakren ia ki jingdawa jong ka seng naduh mynshwa.

U la ong ba lada ka jingiakren iasuk ka iaid shakhmat, ki dang don shuh shuh ki dkhot ki ban dang wan. Ia mynta kin dang don shuwa shane katba ka jingiakren ka dang iaid, kiba dang leit kin dang leit bad kiba dang wan kin dang wan shane.

U la ong ba lada kam don ka jingiaid laitluid ne ka jingmap ei kumno ngin ioh ia ka jinglaitluid ban iakren bad ka sorkar. Halor ka jingkhot hajir ka NIA ia ki nongialam ka HNLC, u la ong ba na ka liang jong sorkar jylla bad ka sorkar pdeng, ki la ong ba kan nym don kano kano ka jingpynthut.

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet