Shillong, Jylliew 01: Ka Dr. M Ampareen Lyngdoh myntri ba dei peit ia ka tnad ka main kala ong ba ka sorkar ka shim ia kane ka kabu ka lat ban pynbna paidbah lyngba ka jingpybna sorkar kaba la pynmih mynta ka sngi ka 1/6/2023 bd ka la ong ba ia kum kane ka kommittee ym lah ban buh kano kano ka por.
Haba kren ha ki lat pathai khubor bad kane ka jingpynbna kala wan urlong ha dien ba ka kommittee kaba la thung da ka sorkar ba kan peit ia ka jingmih paidbah bad ka jingmynjur lang jong kata ka Roster kaba dei ban pyniaid ia ka jingthung kam kiba lait na kane ka jylla Meghalaya.
Ka kommittee kaba la thung ha ka 31/6/2023 kala ia shong bad baroh ki seng sain pyrthei bad ha ka rukom pyniaid katkum ki kyndon ka synshar paidbah ka sorkar Meghalaya kala sngewdei ba kan sngap ia ka jingai jingmut jong ka kommittee kaba la iather bad ia mir halor ka State Roster lane kata ka rukom pyniaid ia ki kam ki jam ne ka jingthung kam thung jam ha ka jylla Meghalaya.
Kata ka jingiamir jingmut jong baroh ki seng sain pyrthei kala sngewdei ban phah ia kata ka jingmai jingmut sha ka sorkar ba ka dei ban thaw noh da kawei ka expert committee ne ka kynhun jong ki nongshong shnong kiba don ia ka jingnang jingstad bad iaki briew kiba don ia kata ka jingtbit kaba kyrpang, ne kita kiba la don ia ka rynieng bad ka jingstad halor kane ka phang ai kam ai jam lane State Reservation ha ka jylla.
Kane ka jingiamir jingmut lang jong baroh ki seng sain pyrthei baroh, ym ba kala long tang kawei, kila don ki seng sain pyrthei kiba sngew ym don kam, hynrei kumba ka juh long ha ka synshar paidbah dei ban ai ia katta ka lat namar dei kane ha ka synshar paidbah ka sorkar kam lah ban shu hukum ia ki nongshong shnong.
Ha dien kane ka jingiakynduh bad ki seng sain pyrthei ka sorkar kala pynmih ia kane ka jingpynbna paidbah bay n thaw ia kane ka jingpynbna paidbah ban peit ia ka bhah kam bhah jam hapoh ka jingpyniaid jong ka State Reservation Policy kaba la kylla long ka Polisi haduh u snem 1972.
Ka shnongknor jong kane ka kommittee bad kita ki nongshim bynta ha kane ka kommittee ki dei ban long kiba la stad bad kiba la sngewthuh bha ia ka ain, ka Riti Synshar jong ka Ri India, dei ban long ki briew kiba la tip bha ia ka ioh ka kot, ka jingpule ha ka jingdon ki nongshong shnong.
Ka Expert Kommittee la da sngew don kam kiwei kiwei de kane ka Expert Committee la bhah ia ka, ba kan peit bad wat bniah ia ka jingai jingmut ki nongshong shnong da kaba ki shim ia ka jingai jingmut na baroh kiba ia don bynta ha kane ka synshar paidbah lah ban dei mano manor uh bad kane ka committee kan sa ia mir jingmut bha bad baroh kiba ai jingmut>
Ha kaba khatduh haba ki shim ia kano kano ka rai kan long kaba bit ba biang ia baroh ki nongshong shnong kane ka jylla Meghalaya, ia kum kane ka kommittee ym lah ban buh kano kano ka por, hynrei kaba kongsan ka long ka sorkar kala plie ka lat ia ki paidbah ba kin pynsngew, ban buh ia ka por pat kan long ka bym dei la ong ka Dr. M Ampareen Lyngdoh.
