Shillong, Risaw 02: Ka Election Committee jong ka Meghalaya Pradesh Congress Committee kala ia shong myntaka sngi ban iakren ia ki kyrtong na ka bynta ki lai tylli ki Assmembly Konstitwensi, ka Mawphlang ,ka Mawrynkneng bad Rajabala ka ban long ha ka 30 tarik mynta u bnai.
Ia ka Election Committee la khlieh da u President ka MPCC bah Vincent H Pala, kiwei ki dkhot ki long nongialam ka Congress Legislature party (CLP) u Dr Mukul Sangma ,u MLA Nongthymmai Charles Pyngrope ,u President ka EKH Congress Commitee u bah Kennedy Khriam , ka Dr Ampareen Lyngdoh Working president bad kiwei kiwei .
Ha ba ia kren bad ki lad pathai khubor na ka liang u bah Vincent H Pala,u la iathuh ba kane ka jingialang ka long tang ban shim ia ka rai ban jied ia ki kyrtong ki ban ia khun ia ka election shiteng samoi na ka bynta ki lai tylli ki Constituency.
U la ong ruh ba ki ne ki kyrteng ki dei ki ba la ai jingmut da ki dkhot jong ka block bad ka district level ha ka ba ia kine ki kyrteng la wan rah ha khmat ka Election Committee ban shim ia ka rai ban jied ia kine ki kyrtong bad nangne kin sa phah sha ka AICC sha Delhi khang ban ioh ia ka rai ba khadduh .
Na ka liang u bah Pala u la pynpaw ka jingkyrmen ba ha ka sngi nyngkong, na ki heh AICC na Delhi kin sa phah noh ia ki kyrteng jong ki kyrtong ki ban ia khun ia ka ne ka elction shiteng samoi.
Ha ka ba ia dei bad ka Mawrynkneng Constituency u bah Pala u la kyntu ia ka Election Committee ka MPCC ba kan iasyllok biang namar ba dang don sa u wei na ki kyrtong u ba la wan sha khmat ban pan ia ka tiket ban iakhun na ka Mawrynkneng Constituency.
Lah ban kdew hang ne ba mynta ka sngi ka dei ka sien ka ba nyngkong ka ba na ka liang u Dr Mukul Sangma un ia kynduh ia u President ka MPCC u bah Vicent H Pala,naduh ba u la shimti ia ka kam kum u President ka MPCC ha ka jylla.
