Shillong, Naitung 09: Ka Myntri ka Koit ka Khiah ka Dr M Ampareen Lyndoh mynta ka sngi ka 9 tarik u Naitung 2024 ka la khot iakren ia ka seng ki samla pule ka Khasi Student Union (KSU) Education Cell halor ka shiti ka ba ki la dep ban aiti ha u bnai baladep.
Ia kane ka seng ki samla Pule KSU la ia lam da u Samla Pynkmenlang Sanmit u ba dei u Education Secretary ha ka jingiadon lang jongkiwei pat ki para dkhot ka seng ha ka jingiakynduh ia ka myntri ka tnad ka koit ka khiah ka jylla.
Ha ba ioh ban iakren bad ki nongthoh khubor na ka liang u Samla Pynkmenlang u la ong ba na ka liang ka Myntri ka la dep ban ai ka jingpynshai sha ki ha ka ba iadei bad ki mat jingdawa ka ba kumka seng ka la dep ban buh halor ka jingdon jong ki Medical Seat.
U la ong ruh ha ka ba iadei bad ka jinglap ka seng ha ka ba iadei bad ka jingbymbeit ha ka jingbhah ha ka MBBS na ka bynta ki khynnah ki ba ioh ha ka state quota ha ka ba ki don ki Khynnah khasi kiba la ibit ba kin ioh ha ka Open Category hynrei kumkita ruh ki don ki ba duh.
U samla Sanmit u la ongruh ba ha ka ba iadei bad ka jingpynbeit ia ki jingbhah ia ki jaka pule bala mang na ka liang ka sorkar kam pat shym la lah ban ai namar ka jingdon ha ka jingsah teng ha ka NEET exam.
U la ong ruh ba ha ka ba iadei bad ka jingbhah ia ki seat sha ki samla pule MBBS na ka state quota ha ka ba ha ki snem ki ba la dep ki la don ki samla ki ba la long ki ba bit ban ioh rung ha ki open category hynrei kine ki la duh bad na ka liang ka myntri ka la kular b akum kine kin ymjia shuh nangne sha khmat bad ki samla khasi ki ba la kotbor ban rung ha ki open category kin ioh ban rung.
U samla Sanmit u la ongruh ba ha dien ba la mih ka jingioh ban rung u wei u bar Jylla ha ka bha leit pule Doctor na ka bhah jong ka sorkar jylla kum ka seng ka la kyntu ba kumkine na ka liang ka sorkar ka dei ban peit bniah bha shwa ia ki kot kisla jong ki khmatam ia ki syrnot nongshong shnong.
U la buh ruh ka jingkyntu ia ka myntri ba kane ka kynti ba mynta ka sorkar kadei ban ka ba shai ba ka jingjied ia ki samla pule MBBS ka dei ban long ka ba khuid ba suba khlem da don kano kano ka jingbuhrieh hangno hangno ruh.
