Shillong, Nailur 28: Ka tnad pule jong ka Martin Luther Christian University (MLCU) ha ka sngi rakhe ia ka “World Tourism Day” kala pynlong ia ka jingiakynduh bad ki samla pule kane ka nongbah Shillong halor ka phang ba ka kam jongkai pyrthei ka dei ka lad ioh kam ioh jam.
Ki skul kiba kiba ki samla pule jong ka MLCU ki la leit ban ia kynduh ban ia kren halor kane ka phang ki long ka St Peter’s School bad Brookside Adventist Higher Secondary School, kane ka long ban pynsngewthuh ia ka jingdon kam ba kumno ki kam jngohkai pyrthei ki kyntiew ia ka ioh ka kot.
Kumba ka long ka kam jngohkai pyrthei ka don ka lad ai kam ai jam ia ki briew ha ki bynta bapher bapher, kaba don kam pat ka long ban pynsngewthuh halor kane ka phang. Kum kine ki jingiamir jingmut ka pynlong ia ki samla pule ba kin sngewthuh kham bha shuh shuh halor kane ka bynta.
Ha kane ka sngi la ia kren ba kumno kan kam jngohkai pyrthei kan long kawei na ki lad ban kyntiew ia ka ioh ka kot da kaba pynneh pynsah ia ka mariang bad kum juh ia ki riti dustur kaba ladon.
