Shillong, Risaw 25: Ka HYC, Nongthliew Circle mynta ka sngi 25 Oct 2019, ka la leit ai jingthoh ha U Minister Social welfare Department u Ma Kyrmen shylla halor ka jingslem ka sorkar ban pyllait iaka song jingiarap sha ki lanot ba shah ktah haka Eriong kaba la jia haka 27 March 2019 .
Naka liang ka seng ka ban jur iaka sorkar ban pynlait Noh ia ka Pisa namar bun bah ki Paidbah ki la shah ktah bad ki Don Kam kyrkieh ia ka jingiarap.
U myntri ha khmat jong ka seng u la kular ban pynkloi noh ia kane ka kam namar ka lah slem palat. Ka Seng Kan sa nang bud dien ia Kane ka Kam Kat haduh ba Ka sorkar kan pyndep ia la ka kamram. Kane ka long katkum ka kyrwoh kaba la phah da u bah Joplang Kharnaior President HYC Nongthliew.
