Shillong, Jymmang 20: U Myntri Rangbah ka jylla u Conrad K Sangma mynta ka sngi u la ia kynduh ia ki ar tylli ki kynhun nongthoh kot, ka Khasi Authors’ Society bad ka A’chik Literature Society ban ia kren bad ka sorkar pdeng ban pynrung ia ka ktien khasi bad Garo ha ka khyrngit kaba phra ka riti synshar jong k Ri India.
U Myntri Rangbah ka jylla la ong ba ka jingkhot ia kane ka jingialang mynta ka sngi ka long ba kin ia mir jingmut nalor ka jingdawa ban pynrung ia ka ktien Khasi bad Garo sha ka khyrngit kaba phra jong ka riti synshar ka Ri India bad ha ka juh ka por dang pyniar shuh shuh iaka jingpyndon kam ia ka ktien hapdeng ki samla.
Ban pynkhlain ia ka jingpyndon kam ia ka ktien u myntri rangbah la ong ba kam dei eh tang ka jingthoh ne ka jinghikai ha ki jaka pule hynrei ka jingpynkhlain ha ka jingpyndon kam ia ka ktien ka long lyngba ki drama, ki phlim, jingrwai bad da ka thohdur.
Ha kane ka sngi la don lang ka Chief Secretary kong RV Suchiang, Commissioner bad Secretary ka tnad pynneh pynsah riti dustur bad kam poh iing u bah C.V.D Diengdoh, ha kane ka sngi la don lang ki nongkit kam ka Khasi Author Society bad na ka liang jong ka A’chik Literature Society.
