Shillong, Nailur 27: Ki shipai BSF ha kane ka jylla kila pynlong ia ka “Fit India Freedom Run” ha Meghalaya bad ia kane ka jingiamreh la pynlong ruh ha Tura ha kaba 400 ngut kila ia shim bynta.
Ia kane ka jingiamareh la pynlong ha Dobasipara bad Praharinagar, kine ki 400 ngut kiba ia shim bynta ki long ki BSF bad kum juh kiba ha iing jong ki shipai BSF, kane ka jingiamareh kala sdang naduh 15/8/2020 bad kan kut ha ka 2/10/2020.
Ia kane ka jingiamareh la khaweh ia ka lama da u Ram Singh Deputy Commissioner jong ka West Garo Hills ha ka jingiadon lang u DIG BSF ba dei peit ia ka Tura u Surjit Singh bad na ka bynta ka jingpyniaid ia ki kali la peit da u Raghuvendra Kumar, SP Tura.
Ka jingthmu jong kane ka jingiamareh ka long ban wanrah ia ka jingkoit jingkhiah bad ia kane ka jingiamareh la maiphang da u Myntri Rangbah duh jong ka Ri India ha kaba u la kyntu ia ki paidbah ba kin leh ia ka jingkyllan met ha ki jingim kiba man ka sngi.
U DIG U K Nayal u ba dei ruh u PRO, u la ong ba kane ka jingleh kilan met ka long ba kam don kano kano ka jingpynlut pisa ban leh, u la kyntu ia ki BSF ba kin leh ia kane ka jingkilan met kaba man ka sngi bad ka rukom bam bad ia ki shipai kiba don ha khappud ba kin kham sumar bha ia ka koit ka khiah ka jong ki.
