Shillong, Jylliew 23: Ka kynhun ki MLA na kane ka jylla Meghalaya kila leit ban ia shim bynta ha ka jingialang ka “Estimates Committee” kaba la long ar sngi ha Maharashtra, kane ka jingialang la tip kum ka “National Conference of the Estimates Committees of Parliament and State and UT Legislatures”.
Kane ka jingialang kala sdang mynta ka sngi bad kan kut la shai ka sngi, ia kane ka jingialang la plie da u Lamphang ka iing dorbar thawain ka Ri India, Lok Sabha u Om Birla, ha kaba ki MLA na ki iing dorbar thawian jong ki jylla ka Ri India kila wan ban ba ia shim bynta.
Ka phang pdeng ba ki iakren ha kane ka jingialang ka long, ka bynta jong ka Estimates Committee ha kaba peitngor bad shim jingkhien ia ka mang tyngka na ka bynta ban pynthikna ba ka dei ban iaid beit ban kyntiaw ia ka roi ka par ka ioh ka kot ha kaba pyniaid ia kikam.
U Bah Mayralborn Syiem u la ia shim bynta ha kane ka jingialang ha kaba u la kren, ia kaei kaba la leh ha Meghalaya ba ka iing dorbar ka don ia ka bor ban bishar bad ban peit ia ka jngpyndon kam ia ka pisa bad ban don ka jingkitkhlieh, ha kane ka jingiashim bynta ka long ba kumno ka jylla ka pyniaid beit kum ka iing dorbar.
Ia kane ka kynhun la ialam da u bah Mayralborn Syiem ba dei u shongknor kane ka “Committee kaba ia dei bad ka Eastimates, kiwei ki dkhot kane ka kommittee ka kynthup ia u bah Renikton Lyngdoh Tongkhar (Mawkyrwat), u bah Wailadmiki Shylla (Jowai), ka Miani D. Shira (Ampati), bad u Arbinstone B. Marak (Selsella).
Ha kane ka kynhun la don lang u Commissioner bad Secretary u bah Andrew Simons bad ki ophisar jong ka Meghalaya Assembly Secretariat.
