Shillong, Iaiong 20: Ka kynhun jong ki shipai suin jong ka Ri India kila poi sha ka kad lieng suin ka ri UAE ha Dhafra ban ia shim bynta ha ka jingkilan met ki shipai suin kiba la tip kum ka Desert Flag-10, ha kane ki lieng suin ia pom kiban ia shim bynta dei ka MiG-29 bad Jaguar.
Ki ri jong ka pyrthei kiban ia shim bynta nalor ka ri kaba pdiang ia kane ka jingiakilan met ka UAE, kiwei pat ki long ka Australia, Bahrain, France, Germany, Qatar Saudi Arabia, Republic of Korea, Turkey, UAE, United Kingdom, bad ka United States.
Katkum ka palai kaba la buh ki shipai suin jong ka Ri India kin pyniap ia ki jinglah jong ki ha ka ka 21/Iaiong/2025 bad 8/Jymmang/2025. Ka jingthmu jong kane ka jingkilan met ka long ban ioh jingtip kaba biang kumno ban pynher ia ki lieng suin ia pom.
Kane kan wanrah ia ka jingiatreilang ha pdeng ki ri kiba wan ban ia shim bynta ha kane ka jingiakilan met, kane ka jingiashim bynta jong ka Ri India ka long ban dang pynkhlain shuh shuh ia ki lat jong iada bad ki ri kiba don ka jingiajan bad ha ka don ka thain.
