Shillong, Iaiong 26: U myntri rangbah ka jylla u Conrad K Sangma u la leit ban ia shim bynta mynta ka sngi tep ia u Kpa Bakhuid Pope Francis kaba la long Vatican, ha ka jingdon lang bun lak ngut ki briew na kylleng ka pyrthei ha St Peter’s Square.
U myntri rangbah ka jylla la ioh ban pyndun burom khatduh ia u kpa ba khuid “ Nga sngew kmen bad long bala kyrkhu ban ia don bynta lang ha kane ka sngi tep ia ki kpa Bakhuid Pope Francis”.
U myntri rangbah ka jylla u la pynkynmaw ruh ba u la ioh ka lat ban ia kynduh ia u Pope Francis la kham katto katne snem mynshuwa bad mynta u la ia don bynta ban don long ha kane ka sngi ban pyndon burom khatduh ia u kpa bakhuid ha kane ka sngi tep.
Ha kane ka sngi bala dep don burom ia u kumba juh leh por ba u dang im u juh pyniatylli ia ki briew na kylleng ka pyrthei, ha kane ka sngi ruh kum juh ki briew na kylleng ka pyrthei kila wan ban pyndon burom khatduh ia u kpa bakhuid, ai ka mynsien ka ioh ia ka jingjahthiat ha ka bymjuhkut.
Ha kane ka jingleit sha Vatican la synran lang ia u myntri rangbah ka jylla da u ophisar ba kyrpang bad Political Secretary u a Daniel Thangkhiew, u myntri rangbah ka jylla u la ia kynduh ia u kpa bakhuid ha ubnai Nohprah 2022.
