Shillong, Risaw 27: Ki shipai BSF bad ki bor jong ka District Administration jong ka South West Garo Hills District kila ia treilang ha kaba leit ban pom pynduh ia ki jaka rep Ganja ha ka shnong Kuligoan. Ia kane ka jingpynduh ia ki jaka rep ganja la leh ha ka jingiadon lang u Additional Magistrate u BD Sangma.
Na ka liang jong ki BSF kila shem ba ki don 14 tylli ki jaka bala thung ia u Ganja hapoh katei ka shnong bad na kine mynta ka sngi la lah ban pom pynduh tang lai tylli bad ia kiba dang sah yns a leh ha kine ki sngi ban dang wan. U Ganja ba la pom pynduh mynta ka sngi u ka kot sha ka 400 kilo.
Kine ki jaka ba la pom pynduh mynta ka sngi ki dei ki jong u Durga Hajong bad jong u Sujeet Hajong baroh ki kiba dei ki nongshong shnong jong ka Kuligoan kiba hap hapoh jong ka jingpeit ka Mahenderganj Police station.
Katkum ka jingshem jong ki bor ka District Administration la shem ba baroh kawei ka shnong ki thung ia u Ganja bad ha ka shi sngi ban pom pynduh ia ki yn nym lah banleh kumta na ka liang ka ophis jong u DC ka SWGH District la ong ba la don kam shibun ki briew ban leh ia kane ka kam ha kine ki sngi ban dang wan.
La khien antad ba u Ganja u ba dang hap ban pom pynduh ha baroh katei ka shnong yn poi kumba 100 Kwintal. Na ka liang jong ki BSF ki shimb a kane ka jingiarep Ganja baroh shishong ka kren shai ba ka don ka jingiatreilang bad ki nongkhaii beain ban shallan ia u ne u jingthung u ba long beain.
