Shillong, Nailur 27: Mynta ka sngi ki khynnah skul jong kane ka nongbah Shillong na kylleng kylleng kila pynlong ia ka jingiaid paidbah na madan Iewrynhep sha Additional Secretariat ban dawa na ki bor sorkar ba dei ban pynneh pynsam ia ka mei mariang.
Ha kane ka sngi ki khynnah skul kila rah ia ki jingthoh ban pynpaw ia ka jingsngewsih ba kala don haduh katne ka jingkylla ha ka mariang dei na ka daw jong ka jingjop jong ka Mariang, kumta la don kam ban pynneh pynsah ia ka mariang na ka bynta ka jingmyntoi ki jaidbynriew baroh.
Haba la poi sha Additional Secretariat kala don ka jingkren na ki khynnah skul ha kaba ia dei bad ka jingpynneh ia ka mariang bad kumno ban ia leh pyrshah ia ka jingpyndon kam ia ki plastik, kiba la kren ki long ki khynnah skul jong St Edmund bad kum juh na ka Pine Mount School.
Kine ki nongkren baroh kila pynpaw ia kawei ka sur ba don kam ban pynneh pynsah ia ka mariang kaba ai ia ei ia ka lyer Oxygen kaba baroh u briew u don kam ban ring mynsiem ban im ha kane ka sla pyrthei, la kyntu ia ki briew kiba don ha ka bor ba ki dei ban leh ei ei noh mynta shuwa ba kan slem ka por.
