New Delhi, Jymmang 10: Ha kaba iadei bad ka khubor kaba la mih ha ‘The Print’ hapoh ka kyrteng “The reality of Modi Government’s vaccine funding: Rs. 35,000 crore for States, zero for Centre.”
Ka long kaba bakla ban ong ba ym don ka jingmang tyngka na ka bynta ka jingpynlut na ka bynta ka jingai dawai COVID-19 da ka Sorkar Pdeng. La pyni ia ka T. 35,000 klur ba la pyni hapoh ka Demand for Grants No. 40, hapoh ka kyrteng ‘Transfers to States’.
La dep thied bad dang thied ia ki dawai COVID bad la siew ia kine da ka Sorker Pdeng lyngba kane. Ka jingpyndonkam ia kane ka Demand for Grants ka ai shibun ki jingmyntoi. Ha kaba nyngkong, namar ka jingpynlut na ka bynta ki dawai COVID ka dei ka jingpynlut kaba shisien kaba lait na ki skhim ba bei tyngka da ka Sorkar Pdeng hapoh ka tnat ka koit ka khiah.
Ka jingbuh ia ka jingmang pisa kaba la ka jong ka wanrah ia ka jingsuk ban peit ia ka jingpyndonkam ia kane ka song tyngka. Shuh shuh, kane ka song tyngka ka lait na ki jingpakhang kiba iaid na ka bynta kiwei kiwei ki kam. Kane ka pynthikna ruh ba ym don jingthut ha ka kam ban ai dawai.
Ka pisa ba la mang hapoh kane na ka bynta ka jingai dawai ka dei kaba pyniaid da ka tnat ka koit ka khiah. La ai ia ki dawai sha ki jylla kum ki grant in kind bad ia ka jingai dawai la leh da ki jylla. Shuh shuh, ka don ka jinglaitluid ban pynkylla ia ka jinglong jong ka skhim ban pynkylla na ka grant in kind sha kiwei kiwei ki jait grant.
Kumta, kumba la ong ha kane ka khubor, na ka bynta ka jingpynthikna ia ka jingpynbiang ia ka pisa na ka bynta ka kam ai dawai, ka “jingithuh hapoh ka mang tyngka kam da donkam eh.” Ka jingpyndonkam ia ka Demand kaba tip kum ka ‘Transfers to States’ kam mut ba ia ka jinglut jingsep ym lah ban bah da ka Sorkar Pdeng.
