Shillong, Naiwieng 02: Ki shipai Border security Force(BSF) ym tang ba ki pahara ia u pud u sam ha khappud bad ka Bangladesh hynrei ka ia shim bynta ruh ha kiba bun ki kam pynroi ha kaba ia dei bad ki briew kiba im ha khappud.
Ha kane ka kynti kaba mynta na ka liang jong ki shipai BSF kiba dei na ka 97 Bn kila ialam is ki khynnah sukul jong ka Holy Cross School jong ka shnong Umkiang sha Kolkatta kum ka “Study Tour”. Kane ka jingleit ka long naduh ka 26 tarik Risaw bad mynta kila wan phai sha la ka jong ka shnong.
Na ka liangjong ki BSF kila pynlong ia ka jingpdiang burom ia ki ha dien ba kila wan phai hapoh ka shnong umkiang, kiba la shah jied sha kane ka jingleit sha Kolkatta ki long 11 ngut ki shynrang, 16 ki kynthei bad 3 ngut kiba dei ki nongpeit napoh jong ka skul ia ki la pdiang burom ha shnong Umkiang da u Ajeet Gupta assistant commandant ha ka kyrteng jong u HS Rawat commandant jong ka 97 Bn.
Ha kane ka jingleit sha Kolkatta la ialam ia ki sha ki babun ki jaka kiba don ia ka khana parom kum ka Alipore Zoo, Science City, Indian Museum, Birla technological Museum, Victoria Memorial, Mother Teresa’s house, St. Paul’s Cathedral bad kiwei kiwei ki jaka.
Na ka liang jong u phadar Roby, ba dei u Principal jong ka Holy Cross, Higher Secondary School Umkiang ha ka kyrteng jong ki khynnah skul u la ai ka jingkhublei kaba kyrpang ia ki BSF kiba la ai kane ka lad ba ki khynnah skul na ki jaka nongkyndong kin ioh ia kane ka lad ban leit jngoh ia kiwei kibynta jong ka Ri India.
