Shillong, Lber 06: U Bah Lambor Malangniang MLA jong ka Nongkrem ba dei ruh u lamphang jong ka Meghalaya State Planning Board mynta ka sngi u la ialam ia ka kynhun ki rangbah shnong ka thain Nongkrem ban ia kynduh ia u myntri rangbah ka jylla u Conrad K Sangma ban dawa ia ka Community and Rural Development Block ha Nongkrem.
Haba kren ha ki lad pathai khubor hadien ka jingiakynduh ia u mytnri rangbah ka jylla u bah Lambor u la ong ba ka jingbym don ia ka C&RD Block kala buh ia ki paidbah ha ka jingeh kiba dei na katei ka thain. La iathuh ka Nongkrem ka hap ha ki ar tylli ki Block ka Mawryngkneng bad Mylliem Block.
Ha kane ka jingiakynduh bad u myntri rangbah kala ka don ka jingkyrmen namar ba u myntri rangbah u la ong ba don kam ban pynjan ia ka jingshakri jong ka sorkar sha ki paidbah bad u la ong ba un sa shimkhia halor kane ka jingpang ia ka C&RD Block ha Nongkrem.
