Shillong, Nailur 04: U Chief Electoral Officer ka jylla Meghalaya u bah F R Kharkongor u la iathuh ba kala don ka jingiamir jingmut hapdeng ka Election Commission jong ka Ri India bad ka sorkar Meghalaya ha kaba ia dei bad ka Ilekshon shiteng samoi ha ki ar tylli ki MLA Konstitwensi ha kane ka jylla Meghalaya.
Haba kren ha u SP News Agency u bah Kharkongor la ong ba kala don ka jingiakren ha pdeng ka Election Commission jong ka Ri India bad ka sorkar jylla bad ka phang ba kila ia kren ka long ba ha Rajabala ka don ka jingshlei um bad ha Mawryngkneng pat dang ia kren namar kane ka khlam COVID-19.
Ka jingiamir jingmut ka long ruh bad ka tnad ka koit ka khiah namar kane ka jingpang ha Meghalaya ka dang don bad ha ka juh ka por lada ka jingslap kala duna ruh kala wan noh sa ka jinglehniam puja kine ki long ki bynta kiba la ia kren, hynrei ban shim ia ka rai kan long ha ka Election Commission.
Kumban shu pynkynmaw ba ka 13-Mawryngkneng Konstitwensi kala sah thylli ha dien ka jingkhlad noh u bah David A. Nongrum MLA jong katei ka jaka bad na 47-Rajabala ruh kala shah thylli ha dien ka jingkhlad noh jong u Dr.Azad Zaman MLA jong katei ka konstitwensi.
