Iaphylliew jingmut u Myntri Rangbah duh ka ri bad ki nongialam shna dawai halor u COVID-19

The Prime Minister, Shri Narendra Modi greeting the President, Shri Ram Nath Kovind, on his Birthday, at Rashtrapati Bhavan, in New Delhi on October 01, 2019.

New Delhi, Lber 22: U Myntri Rangbah duh jong ka Ri, u Nadrendra Modi mynta ka sngi u la iakren bad ki nongialam jong ki jaka shna dawai lyngba ka video conferencing.

U Myntri Rangbah duh jong ka Ri u la ong ba ki nong shna bad nongdie dawai ki don ka bynta kaba khraw ha ka jingialeh pyrshah ia ka jingpang COVID-19. U la ong ba ki jaka shna dawai ki donkam ban pynthikna ka jingpynbiang ia ka jingdonkam jong ki dawai, ki medical kit bad ki tiar ki tar bad ki dei ruh ban thaw lad thymmai ha kane ka jingialeh jong ka Ri.

U la ong ba ka Sorkar ka la kut jingmut ban iarap ia ki ban pynbiang ia ka jingdonkam ia ki Active Pharmaceutical Ingredient (API), da kaba ban jur ia ka jingdonkam ban pynmih hi ha Ri ia kine ki API. U la ong ba ka Sorkar ka la mynjur ia ki skhim kiba kot sha ka T 10,000 klur ban pynmih ia ki dawai bad T 4,000 klur ban pynmih ia ki tiar sumar hapoh ka Ri.

U Myntri Rangbah duh u la kyntu ia ki nongialam jong ki jaka shna dawai ba kin trei bor bah ban shna ia ki RNA Diagnostic Kit na ka bynta ka COVID-19.

U la kyntu ia ki nongdie dawai ba kin peit sani ban iada na ka jingdie blak bad ka jingset mar ia ki dawai bad ban pynthikna ia ka jingpynbiang ia ka jingdonkam jong ki tiar ba donkam. U la ai jingmut ba lada lah, dei ban kiar na ka jingpynbiang kyllum ia ki dawai.

U Myntri Rangbah duh jong ka Ri u la ong ba ha kane ka por ba kongsan, ka long kaba kongsan ia kine ki jaka shna dawai ban trei step badmiet bad ban pynthikna ba ym do kano kano ka jing duna nongtrei ha ki jaka shna dawai.

U la ai jingmut ruh ban peit hato long ne em ban pynpoi ia ki dawai sha ki iing jong ki nongpang ban kiar na ka jing bun briew ha ki jaka die dawai. U la ong ruh ba ka long kaba donkam ban kyntiew ia ki rukom siew digital ban iada na ka jingpur jong kane ka jingpang.

Ki kynhun nongshna dawai ki la pynpaw ka jing sngewnguh ia u Myntri Rangbah duh jong ka Ri na ka bynta ka jingialam jong u ha kine ki por jynjar. Ki kynhun ki la ong ba ki la kut jingmut ban pynbiang ia ki jingdonkam dawai bad tiar sumar nongpang bad ba ki dang ialeh ban shna dawai (vaccine) ban pynkoit ia kane ka jingpang.  Ki la ong ruh ba ki polisi jong ka Sorkar kiba iadei bad ki kam shna dawai kin iarap shibun ia ki.

U Myntri Rangbah duh jong ka Ri u la pynpaw ka jingsngewnguh ia ka jingtrei shitom bad ka jingkut jingmut jong ki jaka shna dawai. U la ong ba namar ki briew ki shaniah ia ki, ki don ka bynta kaba kongsan ha kaba iadei bad ka jingai jingtip katkum ka jingstad scien sha ki briew.

U Secretary ba dei ban peit ia ki kam jong ki jaka shna dawai u la kren katto katne shaphang ka jingtrei bor bah jong ka Sorkar kaba la iatrei bad ki kad lieng suin bad ki kad jhad ban pynthikna ka jingpynbiang ia ki jingdonkam.

U Secretary ka Koit ka Khiah u la pynsngew ka jingsngewnguh ia ki kynhun nongshna dawai da kaba kdew ba haduh mynta ym shym la don ka jing duna dawai ne tiar sumar. U la kren ruh shaphang ka jing iatrei lang bad ki kynhun nong shna tiar iada.

U Myntri khynnah ka Sorkar Pdeng ba dei ban peit ia ki kam Shipping, Chemicals bad Fertilizers, Principal Secretary, Cabinet Secretary, ki Secretary ka Health, Textiles, Department of Pharmaceuticals, Sorkar Pdeng.

Ki nongialam jong ki kynhun nongshna dawai ba kynthup ia ka Indian Pharmaceutical Alliance, Indian Drug Manufacturer Association, Organization of Pharmaceutical Producers of India, All India Organization of Chemists and Druggists, Torrent Pharmaceuticals, Bulk Drug Manufacturing Association and Association of Medical Device Industry ki la iashim bynta ha kane ka jing phylliew jingmut.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet