New Delhi, Kylliew 11: U Myntri Rangbahduh ka ri u Narendra Modi u la ïakynduhïa ki dkhot jong ki kynhun bapher bapher kiba mihkhmatïa ka ri India sha ki ri bapher bapher ha ka ïingsah jong u ha New Delhi mynta ka sngi.
Kine ki nongmihkhmat ki la don ka bynta ba kongsan ha kaba batai bniah ïa ka jingkut jingmut jong ka India na ka bynta ka shongsukshongsain bad ka jingdonkam ban pynduhjaitïa ka jingma jong ki kam lehnoh.
U Modi u la iarohia ki kynhun na ka bynta ka jingaitilut jong ki ban kyntiew ia ka sur jong ka India ha ki rynsan jong ka pyrthei.
Ha ka postha ka X, u la thoh: “La ïakynduhïa ki dkhot jong ki kynhun bapher bapher kiba la mihkhmatïa ka India ha ki ri bapher bapher bad batai bniah halor ka jingkut jingmut jong ka India na ka bynta ka shongsukshongsainbad ka jingdonkam ban pynduhjaitïa ka jingma jong ki kam lehnoh. Baroh ngi sngew sarong ïa ka rukom ba ki buh hakhmat ïa ka sur jong ka India.”
