Shillong, Nailur 13: U Conrad K Sangma myntri rangbah ka jylla u la iathuh ba ka jingtohkit ha kaba ia dei bad ka jingshah siat u bah Chersiterfield Thangkhiew kala sdang kane kaba u tip.
Halor ka jingdawa ban weng kam shipor ia ki pulit ba shah kynnoh don kti ha ka jingsiat ia u bah Cheris u myntri rangbah u la kren shai katba ym pat ioh ia ka kaiphot ka sorkar kan ym lah ban shim kano kano ka rai, ha dien ba la ioh ia ka kaiphot ka sorkar kan shim ia ka rai katkum ka jingshem jong ka kynhun othkit.
U Myntri Rangbah u la ong ba ia ka jingpan shuti jong u Director General ki pulit ka sorkar ka dang bishar bniah bad ha dien ba la dep ban bishar bniah kan sa pynlait, u myntri rangbah la kren shai ba kane kam don jingiadei ei ei bad kaba jia ha Mawlai.
Haba ia ka dei bad ka MRSSA, ka jingpyntreikam kala sdang bad ka jingtei ia ki jaka peit ha ki jaka rung jaka mih la don ba dep kum ka Umlong, Mendipathar, katba ka jingtei ha Bajengdoba bad Tatachers ka dang, ha ka juh ka por ka jinhgiakren bad ka sorkar pdeng haba ia dei bad ka jingpynkylla ia ka MRSSA lyngba u Lat ka jylla ruh ka iaid.
Halor ka jingtohkit kaba ia dei bad ka MeECL kam dei ban ka sorkar ba kwah ban pynslem hynrei dei ka jingpan por shuh u nongbishar namar u shitom, na ka liang jong ka sorkar kam kwah ban pynslem dei halor kane ba ka sa thung da u wei u nongbisahr ban tohkit.
