Shillong, Iaiong 17: Ki pulit jong ka South West Garo Hills District ha ka 16/04/2025 por kumba 2.10 baje mynstep ki nongshong shnong ka shnong Jebalgre jong ka South West Garo Hills District kila ioh ban bat ia ki ar ngut ki briew kiba la tip kyrteng kumu Rambera R Marak 25 snem bad Kandit D Sangma 30 snem.
Ki nongshong shnong haba kila bat ia kine ki ar ngut kila ioh ban kurup ka pisa thok kaba dei ka pisa Indiana ka met jong ki kaba la kot sha ka T.36,000/- tyngka, ki paidbah kila aiti noh ia kine ki ar ngut ki briew sha ki pulit.
Ha ka jingtohkit jong ki pulit ia kine ki ar ngut kiba la kem da ki briew jong ka shnong Jebalgre la shem ba kine ki briew ki leit sha ka iing jong u Tangrik M Marak ha katei ka shnong ban ia shim ia kane ka pisa thok.
Na ka liang jong ki pulit kila leit ban khynra ia ka iing jong u Tangrik Marak kila ioh ban kurup sha T.73,000/- tyngka ka pisa thok, hynrei ha kane ka jingleit kim shym la ioh ban kem ia u Tangrik M Marak namar u la ioh ban phet na iing.
