Ioh EPIC u Yunus ha ka jaid khasi

Shillong, Kyllalyngkot 23: Ka Kong Agnes Kharshiing kawei  na ki nongialam jong ki seng bhalang kala thoh sha u Additional Superintendent ki pulit ba deipeit ia ki kam sniew jong ka East Khasi Hills ba u Yunus Nongrum u la pyndon kam bakla ia ka jaid khasi da kaba pynithuh ia lade ba u dei u Khasi, da kaba shim iaka jaid Nongrum.
U Yunus u la kam ia lade ba u dei u jaid Nongrum da kaba pynrung kyrteng ia lade ha ka eletroral roll, hynrei na ka jinglap jong kane ka long kmie kaba peitngor ia ka imlanh sah lang ka shem ba ka kmie jong u ka dei ka Jamila KHatoon, da kane ka jingkam ba u dei u khasi u la ioh ruh ia ka laisen niah kali na ka ophios jong u Distrct Transport Officer Shillong.
Na ka bynta ka jingbha jong ki jaid bynriew rit paid na ka liang jong ka kong Agens ka la kyntu ia u Additional SP ba yn phah tohkit ha kaba ia dei bad kane ka kam na ka bynta ban iai da ia ki jaid bynriew rit paid. Ia kane ka jingthoh kaba la soi da katei ka long kmie la phah mynta ka sngi 22 tarik kyllalyngkot.