Shillong, Naitung 16: U myntri rangbah ka jylla u Conrad K Sangma lynba ka twiter u la pyntip ba ka jylla Meghalaya kala ioh ia ka jingmynjur ba kan pynbha ia ka jingpynpoi ia ka bor ding eleltrik hapoh ka skhim haka 14th Naitung 2022.
Ha kane ka skhim ka kynthup ia ka bynta kaba dei ban pyndait ia ki metter ban hap siew shuwa ia ka bai light ia kaba la tip kum ki “Smart Prepaid Meters” hapoh kane ka jingmang pisa ka long T. 307.82 klur tyngka.
Na ka bynta ban pynbha ia ka jingpynpoi ia ka bor ding eleltrik sha ki shnong ki thaw ban pynlait na ka jingjah klep ka bor ding ha kane ka bynta ka sorkar Meghalaya kala ioh ia ka jingmynjur ba kan ioh T.784.72 klur tyngka.
U Myntri Rangbah u la pynpaw ba lyngba kane ka skhim ka long ban pynthikna ban pynioh ia ka jingsam ia ka bor ding kaba kham biang bad kaba kham biang bad kaba kongsan ka long ban pynduna ia ka jingjah klep ka bor ding ha ka por ba pynpoi sha ki shnong kithaw bad lada lah ban duna sha ka 18 % kan long kaba bha.
