Shillong, Kyllalyngkot 20: Ki shipai BSF kiba la ap pahara ha khappud bad ka Bangladesh na West Jiantia Hills District kila ioh ban kem 17 tylli ki masi katba dang mut ban pynrung sha Bangladesh.
Kine ki masi kiba la mut ban har sha Bangladesh ki nongkhaii beain kila pynpoi ia ki masi ha khappud da kaba niah ia ki lyngba ki lynti khlaw ha ka shnong Rongtilla kane ka jaka ka dei kaba ym pat ker ksainar shiah.
Kine ki nongkhaii masi beain sha Bangladesh ki juh pynrung ia ki masi na katei ka jaka namar ka long khlaw bad ki juh buh ia ki masi ha jan khappud bad ki sa har ban pynrung sha Bangladesh.
Ki shipai BSF ha u snem 2022 kila ioh ban kurup haduh 3481 tylli ki masi katba dang mut ban pynrung sha Bangladesh, Na ka liang jong ki BSF kila ia khun shitom ban khanglad ia kikam khaii beain ha khappud.
