Shillong, Nailur 20: Ki pulit da ka jingiakren lang kila ioh ban kurup haduh 15 tylli ki bike kawei ka Scotty kiba la shah tuh na kylleng na ka shnong Nongsohma bad na ka shnogn Nongkrem kaba hap hapoh jong ka Eastern West Khasi Hills District.
Kane ka jingioh ban kurup ia kitei ki bike ka long ba ha ka 9th Nailur 2022 la don ka jingujor ba kawei ka Bike Pulsar kala shah tuh na ka shnong Laitsohpliah na Sohra ba ki pulit ka Sohra kila register mukot duma.
Ha dien khyndiat sngi la iohi ia katei ka bike ha Mairang, ki pulit jong ka Mariang kila pynlong ia ka jingpynap shrip kila ioh ban bat ia katei ka bike bad la ioh ban kem ar ngut ia kaba ki pulit kim pat iathuh ia ka kyrteng jong ki.
Kine kiba la shah kem kila phla ba u ba plan ia kine ki kam tuh bike la ong ba u don ha shnong Nongkrem kaba hap hapoh jong ka Eastern West Khasi Hills District, kiba bun ki bike la tuh na sor Shillong.
Ha dien ba la ioh ia ka jingtip kaba bniah ki pulit jong ka Sohra bad na Mairang kila hiar sha ka shnong Nongsohma ha kaba la ialam da u wei na kiba la shah kem bad na katei ka jaka la ioh ban kurup ruh kawei ka Scotty, ar tylli ki bike haka 18thNailur 2022.
Katei ka juh kynhun pulit kaba la ialam da u OC ka Sohra u bah Pynhunlang M. Syiem bad u inspector Phrianglin Syiem ba dei peit ia ka Nongthymmai Beat House ba du SI, bah Stephen Nongspung u ophisar ba tohkit halor kane ka jingshah tuh ki bike na Shillong haka 19th Nailur 2022 kila ioh ban kurup 11 tylli ki bike na shnong Nongsohma.
Na shnong Nongsohma bad Nongkrem la ioh kurup 15 tylli ki bike kawei ka Scotty, ha Katie ka jaka don ka jaka shna kaba la pynkylla ia ki number plate kiba thok, na ka liang jong ki pulit ki dang pynlong ia ka jingtohkit ban lap shuh shuh ia kiba don kti ha kane ka kam tuh.
