Shillong, Nailur 25: Mynta ka sngi ki shipai jong ka Assam Rifles kila ioh ban kurup ia u drok bala tip kum u “Methamphetamine tablets” bad ka jingkhien kaba la kot sha ka 55.80 kilo bad ki don haduh 5,05,000 tylli bad ka jong u une u drok bala ioh kurup la kot sha ka T.167.86 klur tyngka.
Ki shipai jong ka Assam Rifles kila ioh ban kurup ia une u drok Methamphetamine tablets na ka shnong Melbuk kaba hap hapoh jong ka Champai District ka jylla Mizoram ha ka 23rd Nailur 2022, kane ka jingioh kurup dei ha dien bala khynra lang ki pulit bad ki shipai Assam Rifles ha dien ba kila ioh ka jingtip kaba bniah bha.
Ki shipai bad ki pulit kila ioh ia ka jingtip kaba biang kila pynlogn ia ka jingap ktem bad ha ka por jan meit ka 23rd Nailur 2022 kila ioh ia ka kali kaba la ioh jingtip bad kila bat bad haba la talasi la ioh ban kurup ia u drok Methamphetamine tablets 5,05,000 tylli bala song bha.
Ia une u drok la kit da kawei ka kynthei hapoh ka kali jong ka bad haba la khein ia ka dor iew jong u ne u drok bala ioh kurup la shong dor haduh T.167.86/- klur tyngka, ia kine ki drok ba la ioh kem la aiti sha ki pulit ka jylla Mizoram ban tohkit ban leh ia kaba don kam katkumka ain.
Ha kine ka shisnem lynter ki shipai jong ka jylla Assam kila ia khun tyngeh ban kthong ia ki nongkhaii drok bad ia ki nongkhaii suloi bad kiba tiar pynbethei, ki shipai Assam Rifles ki ong ba ka jingkynrum kynram hapoh ka ri Myanmar kala pynlogn ban kiew kine ki kam khaii beain.
