Shillong, Jymmang 11: Ha ka por 11:30 janmieit, 10 tarik u Jymmang, Ka KSU Delhi Unit ka ioh iaka jingkyrpad ban iarap ïa kawei ka thei khasi kaba 22 snem ka rta kaba dei na ka shnong Lad Rymbai East Jaintia Hills, kala shah set jubor ha ka iingsah utei u samla jong ka kaba don ha Hasanpur, East Delhi bad la ioh jingtip ruh ba ka shah shoh bad shah jrong kti ha u ha katei ka miet.
Ka KSU Delhi Unit hapoh ka jingïalam jong ka Samla Marbiang Khongwir President KSU Delhi bad u Donbok Pohrmen Vice President KSU Delhi mar mar ki la mih ban leit wad jingïrap na ki bor pulit kiba don ha nongbah Delhi bad hadien ka jingshah kyntait na ki lai tylli ki police station ban iarap naka daw jong ka jingbym lah ban lap ïa ka ïngsah jong u shynrang.
Ka KSU Delhi ka lah ioh ki lad jingïarap lyngba ka Madhuvihar Police Station ban shem ia katei ka ingsah lyngba ki kor technology bad lah lap bad ioh ban leit khynra ïa katei ka ingsah ha ka por 5 baje mynstep bad la ioh ban ïarao ia kata ka thei Samla bad la ioh ban rah ia u shynrang da ki pulit jong ki ka Maduvihar Policr station.
Hadien ba lah dep ban shim jingkylli na katei ka samla Khasi, la ialam ban leit leh medical checkup bad synran da ki dkhot bad ki pulit bad la pyllait noh ia katei ka thei Samla hadien ba ka khlem treh ban ujor ejahar pyrshah ia utei u Samla jong ka uba na Hasanpur, East Delhi.
Na ka liang ka Seng, ka ai khublei ia ka Delhi Police bad ka SPUNER Special Police Unit for North East Region iaka jingiarap ka jong ki bad kumjuh ruh ïaka Madhuvihar Police Station ba ka lah kloi ban ïarap halor kane ka bynta.
