Maligaon, Kyllalyngkot 30: Ka kynhun pulit Railway Protection Force (RPF) jong ka N. F. Railway kala ioh ban pynlait ia ki saw ngut ki khynnah kiba la shah rahbor na ki sation rel bapher bapher kane ka jingioh kem ia ki nongkhaii briew na bun ki station rel, ia ki khynnah la aiti sha kiba ha iing ha sem.
Ha ka sngi kaba ioh kem ki puilit ka RPF na Kamakhya ryngkat bad ka Crime Intelligence Branch (CIB) jong ka kynhun na Guwahati kila juh pynlong ia ka jingkhynra na ka por sha ka por ha Kamakhya railway station.
Ha kane ka jingkhynra kila ioh ban pynlait ia kawei ka khynnah kaba la phet, ia kane kaba la ioh ban pynlait la aiti sha ka Railway Childline, Guwahati ban ksoh na ka bynta ka jingshngain bad ban tohkit ia kane kajingjia.
Ha station rel jong ka Lumding katba ki dang pynlong ia ka iaid pahara ha katei ka jaka kila ioh ban pynlait kawei ka khynnah kynthei bad ar ngut ki khynnah shynrang ha dien bala ioh ban bat la tohkit bad la aiti shakiba ha iing ha sem.
Ki pulit RPF naduh u bnai Iaiong haduh Nohprah 2022 ki pulit RPF kiba dei jong ka N.F Railway kila ioh nan pynlait 686 ngut ki khynnah, 39 ngut ki kynthei bad la ioh ruh ban kem ia ki 10 ngut ki nongkhaii briew, ia ki baroh la aiti sha kiba ha iing ha snem bad ka tnad railway kala buh ruh ia u number 139 ba ki paidbah kin phone lada don kam kyrkieh.
