Maligaon, Iaiong 20: Ka tnad khlaw kaba dei peit kyrpang ban iada ia ki mrad khlaw kala ai ka jingiaroh ia ki pulit jong ka Railway Protection Force ba dei jong ka Northeast Frontier Railway kiba la ioh ban pynlait 450 tylli ki jakoid na Railway Station Silchar ha ka 14/Iaiong/2025.
Ki pulit RPF ha ka por kumba 8.00 baje mynstep katba ki dang iaid pahra kila lai lai tylli ki pla kiba la buh khlem don ba kam na Platphom No.1 bad haba ka plie ban lap don aiu la shum ba ki don ki jakoi kiba dang ing bad na kine ki lai tylli ki pla la ioh 450 tylli ki jakoi kiba dang im.
Haba ki RPF kila kurup ia kine ki pla shym don ba wan kam bad na ka liang jong ki RPF kila aiti noh ia kine ki jaid kiba la ioh ban pynlait sha ka tnad khlaw jong ka sorkar Assam kaba don ha Silchar ban pynlait ia ki.
Kane ka kren shai ba ki pulit RPF ym dei ba ki iarap bad ia da tang ia ki briew hynrei na ka bynta ki mrad ruh kum juh la leh ia kane da ka jingiatreilang bad ka tnad khlaw ban iada ia ka mariang.
