Shillong, Nohprah 16: Ki pulit jong ka nongbah Shillong kila pyntip ba u Rakesh Roy ba dang 13 snem ka rta. Une u khynnah ban shong ba sah ha Nongmynsong, langkyrding u la jah na iing naduh ka 29/11/2019.
Na ka liang jong ki pulit kila register ia kane ka jingjah une u khynnah hapoh Rynjah Police Station. Na ka liang jong ki pulit kila kyntu ba lada don ba iohi ne tip kin pynsngewbha ban pyntip sha ki pulit ha kine ki phone number 0364-2225675 Rynjah PS, 0364-2222214/2222215 police control room.
Ha kane ka jingpyntip jong ki pulit la thoh ba, ka kyrteng ka long Rakesh Roy 13 snem, kyrteng kpa Binod Roy, jaka sah Nongmynsong Langkyrding , ka jingjrong antad 5.6 phut, u sniuh ba iong bad u phong ia ki sopti lieh bad patlun iong.
