Shillong, Risaw 01: Ki pulit jong ka nongbah Shillong mynta ka sngi kila pyntip ba mynta la jan dap shibnai ba jah u khynnah ba dang 14 snem na Madanriting Shillong. Ka kyrteng jong u ne u khynnah la tip kum u Manga John khun jong u Thangtin Khup.
Katkum ka jingpyntip jong ki pulit la ong ba une u khynnah u la jah naduh ka 07/09/2019 naduh ka 10.30 baje myniet jong katei ka sngi. La ong ba ka jingjrong jong u ne u khynnah ka long kumba 5 phut ei ei bad ka dur khmat kaba lieh bad pyllun.
Na ka liang jong ki pulit kila ong ba lada don mano mano ban tip ne iohi sha ei u don une u khynnah kin sngewbha ban pyntip sha kine ki number phone hapoh police control room, 0364-222214, Madanriting PS 0364-2231408 bad 9774070078.
Ha kawei pat ka khubor ki pulit kila pyntip ba ka samla Fulity Kharkylliang kaba la 21 snem ka rta na shnong Nongstoin kala jah Rynjah kala jah naduh ka 20/08/2019 naduh ka por 1.00 baje pdeng sngi ha katei ka sngi.
Na ka liang jong ki pulit kila ong ba ka jingjrong jong kane ka khynnah samla ka long san phut, ka phong ia ka sopti rongsoh bad ka patlun jean kaba iong ha ka sngi kaba ka jah. Lada don kiba tip ne lap ia ka kin pyntip sha kine ki phone number police control room, 0364-222214, Rynjah PS 0364-2230402 bad 9774070078.
