Shillong, Risaw 07: Ka North-Eastern Hill University Second National Moot Court Competition, 2018 kala pynkut noh ia kaba kaba la pynlong da ka tnad pule ain hapoh katei ka skul bah, NEHU Shillong, ha ka 6 tarik u mynta u bnai.
Ha kane ka sngi pynkut u kongsan jong kane ka lympung jingiakop u dei u Amit Kumar, Advocate General, jong ka sorkar Meghalaya bad u symbud kongsan u long u Prof. J. S. Patil, Vice Chancellor, NLUJAA Guwahati.
Ia kane ka jingiakop la plie ha ka 4 tarik mynta u bnai da u James. P. K. Sangma, myntri ba dei peit ia ki tnad ain jong ka sorkar Meghalaya ha kane ka sngi la don lang ruh u Justice bala shongthait u B. D. Agarwal, President, Nagaland State Consumer Commission.
Ha une u snem, ka jingiatai nia ka ba la ai ia ki nongiashim bynta ka long shaphang ki aiñ kompany. Ha kane ka jingiakop ki skul bah kiba hikai ia ki kam kiba la wan ban ia shim bynta ki long 18 tylli na baroh kawei ka ri India.
Ha kane ka jingiakop ia ka nal lah duh la rah da ka Chanakya National Law University, Patna bad kiba wan ba ar ka Amity Law School, Kolkatta. Kane ka long katkum ka kyrwoh kaba la phah da u bah Reuben Najiar Student Convener, Organising Committee, Department of Law, NEHU.
