Shillong, Nailur 22: ka Moopynieiñ Spory Cultural bad Sport Organisation kala pynlong ia ka jingialehkai kynjatboll ia kaba la tip kum ka “9th Cash Prize Football Tournament 2019” mynta ka sngi.
Ka jingialehkai mynta ka sngi kala long hapdeng ka 
Rimiki FC pyrshah iaka Mookhep FC. Ha kane ka jingialehkai ka Mookhep FC kala jop da 2 kol la 0. Na ka liang jong ka Mookhep ia ka kol la ioh ban thep da ka u u Laphing Shylla haka minit kaba 16.
Katba iaka kol kaba ar pat ka kynhun jong ka Mookhep ka la ioh biang ban thep haka minit kaba 42 lyngba u juh u nongialehkai. Dakane ka jingjop kaba mynta ka sngi, ka kynhun jong ka Mookhep FC ka la ioh ban rung shaka Quarter Final.
Na ka liang u President ka Moopynieiñ Spory Cultural & Sport Organisation, Wapung Skur ula pyntip ba ka jingiakhun kaba bud kan long haka 22 tarik mynta hi u bnai haka por 2:30 PM hapdeng ka Kyrluh FC pyrshah iaka Khonbahkhla FC.
