Shillong, Iaiong 22: Mynta ka sngi u kyrtong jong ka kynhun Garo Hills Democratic Collation (GHDC) u Benedic R Marak ba dei na ka party NPP u la jop ia ka elekshon Chief executive Member hapoh jong ka GHADC da kaba u laioh 16 vote pyrshah ia ka kyrtong ka party congress ka Sadhia Rani M Sangma kaba la ioh 12 vote.
Ha kane ka jingiathep vote na ka liang jong ka kynhun GHDC ki don 11 ngut ki MDC na ka NPP, 3 ngut ki dkhot shimet, 1 na ka party GNC bad 2 ngut na ka BJP katba ka Congress kala ioh beit 12 Vote kiba dei ki MDC jong ka party.
Ha kane ka elekshon jied ia u CEM jong ka iing dorbar jong ka GHADC namar ka kynhun GHDC kala ioh 16 vote ha ka iing dorbar kaba 29 ngut na ka liang jong u Shongknor u khlem thep shuh ia ka vote jong u da kane ka jingjop ka NPP kala ialam ia ka EC kaba thymmai hapoh jong ka GHADC.
