Julor ka karkhana dieng ha Rynjah na ka jingpluh ding, kynnoh ba poi slem ki pulit    

Shillong, Iaiong 30: ha ka por shiteng synia ka miet sngi Saitjian kumba 12:45 eiei eiei kawei ka karkhana dieng kaba don ha lyndet jong ka Rynjah State Dispensary ka la kem ding kynsan bad ka la ktah ia kawei ka dukan sha, ia kawei ka iing bad khyndiat shadien ka dispensary ha kaba ka jingjulor ka la long kaba jur.

Kawei ka long kmie kaba dei trai jong kane ka iing kala pynpaw ia ka jingsngew bynñiaw bad sngewsih halor kane ka jingjia ha kaba ka ding ka la bamduh ia ka iing bad ia baroh ki jingdon jingem baroh bad donbok ba bad ki 4 ngut ki khun ki lait na kano kano ka jingjia kaba sngewsih.

Na ka liang ine I longkmie i la iathuh ba lada ym dei na ka jingshim sting jong ka Rynjah Police Station bad ka jingpoi slem ka fire brigade ka jingjulor kan nym ktah shaduh ka iing ka jong ki.

Kala iathuh ba ka ding ka sdang na kane ka karkhana, bad na ka liang ki briew kiba iohi ki la pyntip sha ka tnad pulit bad sha ka tnad fire brigade hynrei kaba sngewsih ka long ba ki pulit kim shym la wan tad haduh ba ki briew ki hap ban hiar hi sha Police Station bad wat ka fire brigade hap ban leit khot da lade kaba la shimpor ia ki haduh 2 kynta duna ban poi sha katei ka jaka.

La iathuh ba hadien ba ki pulit bad ka kali pynlip ding ka lapoi, baroh ki jingdon jingem ki la ingkhong lut. Na ka liang ki ba ha iing ki la pynrem ia ka tnad pulit namar ka jingshim sting ka.

Kiba ha kila iathuh ba ki ba haiing kin sa leit ban kynduh ia u SP ban kylli halor u number emergency uba la ai sha ki paidbah hynrei um treikam satia bad ban ujor halor kane ka jingleh ki pulit.

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet