Jowai, Jylliew 04: Ka JSU Laskein block circle mynta ka sngi kala liet ban jurip ia ka Laskein CHC na ka bynta ban pynkhreh ia ki tiar ki tar ban sumar na ka bynta ka jingpang covid 19 bad kiwei kiwei de ki jait jimgpang.
Hakane ka jingliet jurip ia ka CHC kaba don ha west Jaintia Hill district la ialam khmat da u president u samla Dapmain suchiang ryngkat bad u samla Franky shylla u General secretary ryngkat ki dkhot ka seng.
Haba iakren bad Doctor ba dei peit jong ka Laskein CHC la iathuh ka jingpynkhreh ka lah iaid shakhmat bad ki dawai ki dashin ban sumar ia ka jingpang covid 19 ki bym jur eh bad ki oxygen concentrator dang ioh tang kumba 5 tylli ei ei ki tiar phong iada ki lah don katto katne.
Ha ka jingiakren ka seng ka la dap da ka jing sngew phylla sngew khia ba kat ka Laskein CHC kaba peit da ki phew tylli ki shnong hynrei ka kaba sngew pyhlla ka don tang i wei i jingthiah ba kyrpang.
ka seng ka la kyntu bad ban jur ia ka tnat kaba dei ban piet ia ka koit ka khiah ba ka dei ban kham pynbun shuh ia ki jingthiah ba kyrpang isolated wards ia ki oxygen concentrator bad ia ki dawai dashin ban sumar ia ka jingpang covid19.
Ka seng ka la ioh ruh ia ki jing ujor na ki paidbah ba bun na kiba haiing ki long kmie kiba juh wan kha khun hakane ka jaka jingsumar kila ong ba ki shem jingeh bha ba ka bording kam juh biang bhai namar bym don generator hakane ka CHC kala buh jingeh ia ki paidbah ba don hapoh kane jaka jingsumar.
kane ka wanrah jingeh ba iaki kor ba ban pyndonkam haka por ba kha khun ba ym lah ban pyntrei kam satia kane ka wanrah ia ka jingktah ha kiba bun rukom ia ka koit ka khiah ia ki long kmie bad ia ki khunlung ban sa kha, ba bunsien ki doctor ki hap pyndonkam tang da ki torch light haka por bym don light ka ap jingma ia ki long kmie ba kha khun khamtam ia i khunlung i ban sa kha.
Ka seng ka pynrem jur ia ka health department khamtam ia ka sorkar iaka jingkhein sting jong ka khlem da pynkhat ia ki paidbah khamtam ki ba duk bad ki shnong nongkyndong kiba don sha jngai .
Ka seng kala dawa na ka sorkar ban pynbiang mar mar ia ki jingdonkam hapoh kane ka jaka sumar khnang ba kan wanrah ia ka jingshsniah bad ka jingskhem jigmut ba kin wan ban ai jingsumar hapoh katei ka hospital ba jan eh jong ki ban lait na jing jynjar ban liet sha duh Jowai bad shillong ban ioh ia ka jingsumar kaba paka Khamtam iaki ba duna ha ka ioh ka kot kan myntoi shibun eh ia ki.
