Shillong, Kyllalyngkot 19: Ki ophisar jong ka Shillong Municipal Board kila jurip ia ki kyrteng jong ki nongshong die madan ha Police Bazar ban lap ia kiba la don kyrteng ha ka list bad ka ophis, kane ka jingjurip ka long ban pynthikna ba ki dei shisha ki nongshong die madan.
Ki ophis ka SMB kila leit ban jurip wei pa wei kiba don kyrteng ban ban shem la ki shong die madan ha juh ne ki kynriah na ka jaka kaba ki shnong, ki da kylli ruh ia ki kyrteng bad ka number kaba la don ha ka jingthoh bad ka ophis jong ka SMB.
Kane ka jingjurip ka long ban pynshisha ia ka jingdon ki nongshong die madan bad ha ka juh ka por ban pynthikna ba kan nym mih kano kano ka jingbakla lada ka ophis ka pynkynriah ia ki kan nym bakla ha kaba ai jaka ia ki shawei.
Ki thymmei khubor kiba ia jan bad ka Shillong Municipal Board kia iathuh ba ka ophis kala leh katkum ki kyndon baroh kiba la buh ha kaba jurip ia ka jingdon ki nongdie madan katkum ka list kaba kila don ha ophis.