Shillong, Nailur 03: U Myntri ka tnad ka koit ka khiah u Bah A L Hek mynta ka sngi u la ong ba kito ki samla kiba dei ban leit ban ia leh ia ka NEET eksam jong ki hapoh UTSM ha Ri Bhoi District ha Khyndai Miles ka Admit kard kan long ka Pass na ka bynta jong ki samla ban ialeh ia ka eksamin.
Haba kren ha ki lat pathai khubor u la iathuh ba ha dien ba la ioh ia ka jingujor na ki kmie ki kpa jong ki khynnah ba kila pynpaw ia ka jingsyier namar ba ki hap ban iaid lyngba ka jaka rung jaka mih kaba don ha Byrnihat.
U Myntri ka tnad ka koit ka khiah la u la ong ba kino kino ki khynnah ki ba hap ban leit ialeh ia ka eksamin NEET ha USTM ka ba don ha 9 Mile Ri Bhoi District bad ka Admit kard kan dei kum ka pass na ka bynta jong ki bad na ka bynta kiba ha iing ki ba leit ban synran ia ki sha kane ka jingleit ban ia leh ia ka Eksamin.
Kane kan long ia baroh ki khynnah na kane ka jylla Meghalaya la kid ei na kano kano ka District ruh kiba don ia ka Admit Cards ym dei ban pynwit ia ki namar ba ki leit ban thoh ia ka eksamin.
La ong ruh ba ynda ki ladep ban thoh ia ka ne ka Eksamin ki khynnah ki lah ban wan beit shah ing khlem da donkam ia ka jingleh quarantine lane ban donkam ban test ia ki khynnah ne ki bahaing ki ba leit ban bud ia ki sha ja ka thoh eksamin ha USTM Ribhoi District.
Na ka bynta ki jaka ban leh ia ka eksamin NEET ka ba don ha Shillong na ka liang u bah Hek u la iathuh ba na ka liang jong ka sorkar ka la dep ban bthah ia ki briew ka tnad ka koit ka khiah ban pynkhuid bad ban synreit dawai lut ia ki ja ka ki ba hap ban leh ia ka ne ka esamin NEET.
