Ka aeroplane kan iaid noh saw sien ha ka shitaiew na Shillong sha Kolkatta ban kit briew

New Delhi, Risaw 18: U Myntri Sorkar Pdeng ba dei khmih ia ka tnat Civil Aviation, u Jyotiraditya M. Scindia, Myntri Khynnah ka tnat Civil Aviation, General Dr. V K Singh (Retd.) ha ryngkat u Rajeev Bansal, Secretary, ka tnat Civil Aviation (MoCA) ki la plié ia 6 tylli ki lad pynherlienguin kiba pyniar ia ka jingpyniasoh ha ka thain shateilammihngi lyngba ki liengsuin.

Kine ki lad kiba sdang treikam naduh mynta ka sngi ki long ka Kolkata – Guwahati, Guwahati – Aizawl, Aizawl – Shillong, Shillong – Aizawl, Aizawl – Guwahati, bad Guwahati – Kolkata.

U Dr. R. Lalthangliana, Myntri ka tnat Health & Family Welfare, Higher & Technical Education, Commerce bad Industry, u Robert Romawia Royte, u Myntri Khynnah ka tnat Sports bad Youth Services, Tourism bad Information bad Communication Technology.

Ha kane ka sngi la don ryngkat kiwei kiwei ki dkhot ka Sorkar ki la iadon bynta lang na Lengpui Airport, Aizawl, Mizoram ha kane ka jingplie ia kine ki lad pynherlienguin ia kaba la pynlong lyngba ki lad digital.

Ka UshaPadhee, Joint Secretary, Ministry of Civil Aviation, ha ryngkat kiwei kiwei ki heh Sorkar jong ka tnat MoCA ruh ki la iadon bynta lang ha ka prokram ba la pynlong ha ka MoCA.

U Scindia, u la ong, “Ka Mizoram ka dei ka khyrdop sha ka thain shateilammihngi. Kane ka nongbah ka dei kaba donkam bha namar ki kam jngohkai bad ki kam kiba iadei bad ka ioh ka kot.

Ka sorkar kala kut jingmut ban plié lad ia ki jingthmu jong u Myntri Rangbah Duh, u NarendraModiubakwah ba baroh kin ioh mad ia ka jinglong kyrpang jong man ka jylla jong ka ri. Nga kular ba u Myntri Khynnah, u General Dr. V K Singh (Retd.) bad ngashen ngin sa wan sha Mizoram.”

U Myntri u la ong shuh shuh, “Nga kmen ban ong ba ki liengsuin ATR jong ka Alliance Air ki dei kiba la pynher ha ka thain shateilammihngi. Mynta, ngi la pynkhlain shuh shuhia ka jingpyniasoh bad ka thain da kaba pyniasoh ia 4 tylli ki nongbah. Kane ka pyni ia ka jingniewkor ia ka thain da ka tnat hapoh ka jingialam jong u Myntri Rangbah Duh jong ngi.

Hapoh ka skhim UDAN, ngi la pyniasoh ia ki nongbah ki bym don dak ha ka map jong ka jingpynherliengsuin jong ka ri. Ngi la plié 60 tylli ki kad liengsuin, bad 387 tylli ki lad pynherliengsuin, bad na kine 100 tylli ki lad pynherlienguin ki dei na ka bynta ka thain shateilammihngi bad mynta 50 tylli na kine ki dei kiba la treikam.

Shuh shuh, ha u snem 2014, tang 6 tylli ki kad liengsuin ki dei kiba treikam ha ka thain hynrei mynta ngi la don 15 tylli ki kad liengsuin ha kine ki 7 snem ba la dep.

Kane ka pyni shisha ia ka jingniewkor kane ka Sorkar ia ki jylla ka thain. Shuh shuh, hapoh ka KRISHI UDAN Yojna, ngi la ithuh 16 tylli ki kad lienguin ban kyntiew ia ki lad shalan tiar na kane ka thain.”

Ka jingpynheria kine ki liengsuin mynta ka sngi ka la pyniar ia ka jingpyniasoh bad ka thain shateilammihngi da kaba pyniasoh ia ki jylla lyngba ka jingpynherliengsuin. Kane ka dei ka jingdawa kaba la sah teng la slembha. Ka thain mihngi jong ka ri ka khring bha ia ki nongjngohkai lyngba ka jingitynnad jong k, ki kolshor bad ki tamasa bapher bapher.

Kane ka jingpynherliengsuinkan plié lad ia ki briew kiba ieidmariang, ki nongjngohkai bad kiwei kiwei. Ka Shillong ka dei ka nongbah ba kersawdong da ki lum. Kane ka nongbah ka dei kaba pawnam namar ka jingdon ki jaka pule kiba biang bha.

Ha ryngkat ka jinglong itynnad bad ka jaka pule kaba pawnam, Ka Shillong ka dei ruh ka khyrdop sha baroh kawei ka jylla Meghalaya kaba pawnam namar ki kshaid banohrymphum ki krem, ki lum ba itynnad bad ruh ki ritidustur bad ka kolshor.

Ka Aizawl pat ka pawnam namar ki briew jong ka bad ka dei ruh ka jylla kaba riewspahbha ha ki kam ba iadei bad ka kolshor bad ki mar ba shna da ki kti. Kane ka nongbah ka dei kaba itynnadbha. Lyngba kine ki jingpynherliengsuin, ki briew na Guwahati, Aizawl bad Shillong kin don lad ban poi suk sha kiwei kiwei ki bynta jong ka ri.

Ha ka jingpyrshang ban kyntiew ia ki lad ka leit ka wan ha kylleng ka ri, la plié ruh ia ka jingpynherliengsuin na Tirupati-Delhi hynnin ka sngi kaba pyniasoh ia ka jaka kaba riewspah bha ha ka ritidustur bad ka nongbah jong ka ri.

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet