Shillong, Nohprah 19: Ka sorkar haba pyntrei kam ia kino kino ki skhim ia ka rai la shim ha ka jingialang jong ka Kabinet, ka party BJP bad UDP ki don lang ha ka sorkar kin nym lah ban thet kti haba pyntrei kam ia ka skhim FOCUS, la ong ka Dr Ampareen Lyngdoh.
Haba kren ha ki lat pathai khubor kala ong ba kaei kaba ka sorkar ka leh ia ki rai la shim ha ka kabinet bad ka BJP bad ka UDP ki dei ki party kiba ia don lang ha ka sorkar, haba shim ia ka rai ban pyntrei kam ia ka skhim FOCUS ki la ia mynjur lang ban thet kti kin nym lah da lei lei ruh.
Ka Dr. Ampareen ka la ong ba kam sym don ha ka kabinet kam tip ia kaei kaba ki ia kren, ka jingshisha pat ka long ba ia kano kano ka rai ban pyntrei kam na ka bynta ka jingmyntoi jong ki paidbah la rai ha ka kabinet, ka BJP bad UDP kin nym lah ban thet kti.
Halor ka jngkynoh bamsap ia ka party NPP, ka Dr, Ampareen kala kylli kylla hato don ba nud ban ong ba don kiba khuid, baroh ki party ki don la ki jong ki jingduna, kum ki nongmih kmat shimet ruh ki don jingduna kata ka dei ka jingshisha, ki jngkynnoh ki sah ki jingkynnoh.
Ki party kiba ia don lang ha ka sorkar kihap ban shim lang ia ka jingkit khlieh ia ki jingjia hapoh kasorkar, kim lah ban tei pop tang ia ka NPP namar ia ki kam la bate lang sha baroh ki party ba don lang ha ka sorkar, khamtam ka UP kaba dei ka kynhun kaba bun tam ha kane ak sorkar khleh khawlang.
Haba ia dei bad ka jingdawa ban pyntrei kam ia ka ILP bad ka jingpynrung ia ka ktien Khasi bad Garo ha ka khyrngit kaba phra la ong ba ia mynta wat khmih lynti namar ka Ri India kan sa leit sha ka elelction ha u snem 2024 ka sorkar pdeng kan don la ki jong ki jingthmu, ia kitei ki bynta yn sa ia kren ha dien ka 2024.
