Shillong, Naiwieng 02: Ka National President jong ka seng kynthei jong ka party BJP ka Vanaphi Sririvasan ha ka jingwan jong ka sha Meghalaya ka long ban ia kynduh ia ka seng kynthei hapoh ka party ban pynkhreh iaka elekshon MLA ha kane ka jylla ka ban long ha u snem 2023.
Haba kren ha ki lat pathai khubor ha dien ka jingialang bad ki seng kynthei ka party na kane ka jylla, ka Vanaphi kala ong ba ha kine ki ar sngi kiba kala wan sha Meghalaya kala ia kynduh ia ki nongkit kam jong ka party bad kane ka jingiakynduh ka long ban dang pynkhlain shuh shuhia ka party ban jop khambun ki MLA ha u snem 2023.
Kala ong ba ha ka jingiakynduh bad ki nongkit kam ka party kala pynshlur ia ki kynthei ba kin wan sha khmat ban ia khun ia ka MLA elekshon ha kane ka jylla Meghalya ba kum ka party BJP kan kham phai khmat sha ki kynthei lada ki don ki ban ia khun ia ka elekshon.
Kum ki seng kynthei kiba don ha ka party kin ia treilang ban dang pynkhlain shuh shuh ia ka party bad ban pynthikna ba kan don ka jiingiatrei lang naduh ka seng kynthei ha ka jylla, na ka District bad kum juh ha ki konstitwensi.
